D’Firma Nostras SA isch afangs 2017 va junge Walliser Unnernähmer gigründut worde. Will wiär di Wärti und zahlrichi Nutze va iischer Region hei welle bevorzuge, heiwer ganz gezielt do Name „Nostras“ üsgwählt, wa uf Latinisch ubersetzt „va da wa wiär chäme“, „va iischum Land“ heisst. En anderi Sach wa iisch eu am Härze ligt, isch d’Natur. In dem Zämehang heiwer iischi erschti Plantage ins Läbe grieft und Acht gigä, da wa wiär schaffe, z’ganz natürlich Biotop z’respektiere.  

Mit der Unnerstütztig vam Dr. Alexander Schieffer kreiere wier di erschti integrali Firma im Wallis. Was beditut das genau „integral sii“ ? Mu beachtet alli verschideni Aspekti und Elementi: Mu müess wirtschaftlich, im soziale Berich, iner Wissensschaffig und im Wissensüstüsch nachhaltig si, wie eu im Berich vaner Natur und im Respekt vaner Tradition. Dr. Alexander Schieffer isch en Pionnier vaner integralu Entwicklig und schine Verein Trans4m het inner ganze Wält Unnernähme gschaffe und somit tüüsigi va Jobs kreiert.

Mit dischem neue Konzept welle wiär d’Lit im Wallis derzüe bringe ihri Meinig/ihre Geischt z’öffne. Wiär welle de Walliser bewiise, dasses megli isch der Entwicklig ischers Kantons bizträge in dem wiär d’Natur und di Traditione respektiere, aber äbufalls innovativ chenne sii imu sehr stigmatisierte Markt. Wiär benutze natirli kei Pestizidi und produziere iische eigune Dünger mit pflanzliche Mittel.

Wiär läbe iischi Philosophie vaner Meinigsöffnig/Asichtserwitrig in dem wiär aber eu di Traditione repektiere. Darum erlöibe wiär iisch, im Zämehang mit de Walliser Sitte und Brücha, dich z’duze. Will iische Kanton zweisprachig isch, heiwer iischi Sita extra uf Oberwallisertitsch und uf Französisch gschribe.

Die Co-Kreation het en zentrale Wärt iner integralu Philosophie. Ver Grossus z’erreiche, isches extrem wichtig, dass jede einzelne schine chline Bitrag hinzüefiägt, in dem Berich waner güet isch. Genau wäge dem süäche wiär Landwirta, Büüre und anderi Hersteller va Cannabis-Produkti (Cremä, Öli, Tees, usw.) wa di glichi Vision wie wiär teilend und an iischum Abentüür wellti teilnäh.

Hie findsch meh Informatione zer Integral-Method.

Welltisch meh uber iisch wisse? Schrib nisch uf info@nostras.ch